بەرزڕاگرتنی شکۆمەندی بەریتانی: ڕەنج ڕۆڤەر زنجیرەیەکی تایبەت لە تیراژەکان ئاشکرا دەکات کە ئیلهامیان لە دیارترین و کاریگەرترین گەڕەک و ناوچەکانی لەندەن وەرگرتووە

شوێنە مەبەستە جیاوازەکان: لە ‘هۆکستۆن’ـی پڕ جوڵە و ‘بەلگراڤیا’ـی کەشخەوە بگرە تا دەگاتە ‘باتێرسی’ مۆدێرن و مەزنی ‘وێستمینستەر’، ئەم چوار تیراژە ڕەنگدانەوەی تایبەتمەندییە بێ وێنەکانی هەر ناوچەیەکن.

پێشەنگایەتی دیزاین: تیراژی ڕەنج ڕۆڤەر وێستمینستەر (Westminster) ئەم کۆمەڵەیە تەواو دەکات بۆ ئەوەی ببێتە بەشێک لەم زنجیرە تایبەتە.

ئۆتۆمبێلە هایبردە بارگاویکراوەکان: هەر تیراژێک بە بژاردەی سیستەمی هایبریدی بارگاویکراو (Plug-in Hybrid) بەردەستە، بە جۆرێک ڕەنج ڕۆڤەر سپۆرت ‘باتێرسی’ مەودایەک دابین دەکات کە دەگاتە 73 میل لە لێخوڕینی کارەبایی تەواو¹، کە سەدا 76ی تێکڕای گەشتە ڕۆژانەکانی کڕیاران تەنها لە دۆخی لێخوڕینی کارەباییدا دادەپۆشێت².

دوبەی، ئیمارات – پێنجشەممە 30ـی نیسان: ڕەنج ڕۆڤەر زنجیرەیەکی تایبەتی لە تیراژە ئیلهام وەرگیراوەکانی شاری لەندەن ئاشکرا کرد، کە ستایشی شکۆمەندی بەریتانی، جیاوازی و ڕەسەنایەتی دەکەن. ئێستا تەواوی کۆمەڵەکە بەردەستە، کە تیایدا تیراژی ڕەنج ڕۆڤەر وێستمینستەر (Westminster) پەیوەندی دەکات بە هەریەک لە ڕەنج ڕۆڤەر ئیڤۆک تیراژی هۆکستۆن (Hoxton Edition)، ڕەنج ڕۆڤەر ڤێلار تیراژی بەلگراڤیا (Belgravia Edition)، و ڕەنج ڕۆڤەر سپۆرت تیراژی باتێرسی (Battersea Edition). ئەم تیراژانە بەرجەستەی ڕۆحیەتی گەڕەکە کاریگەرەکانی دڵی پایتەختی بەریتانیا دەکەن، کە بە وردەکاری زۆر دروستکراون بۆ بەهێزکردنی ناسنامەی دیزاینی بێهاوتا، خۆشگوزەرانی نایاب، و ئەو میراتە دێرینەی کە جیاکەرەوەی هەموو ئۆتۆمبێلێکی ڕەنج ڕۆڤەرە.

ڕەنج ڕۆڤەر وەک براندی ڕەسەنی بەریتانی لە پۆلێنی ئۆتۆمبێلە وەرزشییە (SUV) شاهانەکاندا هەژمار دەکرێت، و ئیلهام لە دیارترین نەریت و دیمەنەکانی شانشینی یەکگرتوو وەردەگرێت. لەندەنیش سەرچاوەیەکی سەرەکی ئیلهام بووە بۆ داڕشتنی هەندێک لە تایبەتمەندترین تیراژەکانی، چونکە تیراژی Range Rover Linley کە لە ساڵی 1999 لە پارک لەین بڵاوکرایەوە، بەرجەستەی جوانی و قەشەنگی ناوچەی مەیفەیری دەکرد، لە کاتێکدا هاوبەشی یادی پەنجا ساڵە لەگەڵ بەرگدووری ساڤیل ڕۆ Henry Poole & Co کاریگەری لەندەنی لەسەر مۆدە بەرز نرخاند لە ڕێگەی قوماشێکی تایبەتەوە کە ئیلهامی لە دیزاینی ناوەوەی ڕەسەنی ڕەنج ڕۆڤەر وەرگرتبوو. کلتووری شکۆمەندی و دامەزراوە مێژووییەکانی لەندەن بەردەوامن لە داڕشتنی چیرۆکی ڕەنج ڕۆڤەر، بۆ ئەوەی ئەم چوار تیراژە نوێیە دەربڕینێکی سەردەمیانە بۆ ڕۆحیەتی پایتەختی بەریتانیا پێشکەش بکەن.

هەر تیراژێک لەم کۆمەڵەیە بە بژاردەی سیستەمی هایبردی بارگاویکراو (Plug-in Hybrid) بەردەستە، لەگەڵ مەودایەکی کارەبایی کە دەگاتە 73 میل³، کە ئەمەش بەسە بۆ داپۆشینی تێکڕای هاتوچۆی ڕۆژانە بەبێ هیچ دەردراوێکی گازی (سفر دەردراو)، و بۆ ئەزموونێکی لێخوڕینی نزیک لە بێدەنگ².

ڕەنج ڕۆڤەر ئیڤۆک تیراژی هۆکستۆن (Range Rover Evoque Hoxton Edition)

گەڕەکی هۆکستۆن لە لەندەن بە ناوەندێکی داهێنەران و دروستکەرانی ئاراستەکان (Trendsetters) دادەنرێت، و بە کاریگەرییە بەهێزەکەی لە ناو کۆمەڵگە داهێنەرەکاندا ناسراوە. ڕەنج ڕۆڤەر ئیڤۆک تیراژی هۆکستۆن، ستایشی ئەم تایبەتمەندییە پڕ لە ژیانە دەکات لە ڕێگەی تیراژێکی نوێوە کە ڕەنگدانەوەی ڕۆحیەتی مۆدە و نوێگەرییە، لەگەڵ دیزاین کە ئیلهامی لەم گەڕەکە وەرگرتووە.

ئەم تیراژە بە لۆگۆی شاراوە لەسەر بەشی خوارەوەی دەرگای دەرەوە جیادەکرێتەوە، جگە لە دەستەواژەی درەوشاوەی “Hoxton Edition” لە ناو گڵۆپی زەویدا (puddle lamp). دیزاینی دەرەوەش پارچە مۆدێرنەکان لەخۆدەگرێت کە پێکدێن لە تایەی قەبارە 20 ئینجی بە ڕەنگی زێڕینی کاڵ (Satin Gold) لەگەڵ ڕووپۆشی (Diamond Turned)، کە بە پاکێجی دیزاینی دەرەکی (Platinum Atlas) دەورە دراون.

لە ناوەوە، چەرمی کورسییەکان بە دروومانی جیاوازەوە هەستی بەرکەوتنی کابینەکە بەرز دەکەنەوە، لە کاتێکدا پلاتفۆرمی درەوشاوەی دەرگاکان (Hoxton Edition) و تابلۆی ئەلەمنیۆمی ڕەشکراو بە وێنەی گرافیکی تایبەتی تیراژەکە، مۆرکێکی جیاواز و بە وردی دیزاینکراو دەبەخشن.

ڕەنج ڕۆڤەر ئیڤۆک تیراژی هۆکستۆن بە سیستەمی هایبردی بارگاویکراو بەردەستە، بە مەودایەکی کارەبایی کە دەگاتە 37 میل¹.

ڕەنج ڕۆڤەر ڤێلار تیراژی بەلگراڤیا (Range Rover Velar Belgravia Edition)

گەڕەکی بەلگراڤیا تێکەڵەیەکە لە نێوان تەلارسازییە جۆرجییە کلاسیکییەکان و شێوازی ژیانی پڕ لە شکۆی سەردەمیانە، ئەمەش ئەو توخمانەن کە ڕەنگدانەوەیان هەبووە لە دیزاینی ڕەنج ڕۆڤەر ڤێلار کە لە مۆزەخانەی دیزاین لە لەندەن نمایش کرا. تیراژی بەلگراڤیا بەرجەستەی ئەم تایبەتمەندییە دەکات لە ڕێگەی تیشک خستنە سەر میراتی ڕەنج ڕۆڤەر و وردەکارییەکانی دیزاین.

بەشی دەرەوەی ئۆتۆمبێلەکە بە تایەی 20 ئینجی جۆری (Diamond Turned) بە ڕەنگی (Dark Agate) لەگەڵ بۆیەی (Satin Black Tinted Lacquer) دێت. هەروەها لۆگۆی “Belgravia Edition” لەسەر دەرگاکان و تابلۆی ئەلەمنیۆمی ڕەشی نەرم دەردەکەوێت، جگە لە ڕووناککەرەوەیەکی تایبەتی زەوی.

لە ناوەوە، کوشنە چەرمە شاهانەکان بە دروومانی وردەوە دەستکردێکی باڵا و ناوازە دەبەخشن کە گوزارشت لە چەمکی شکۆمەندییەکی ئارام دەکات.

تیراژی (Belgravia Edition Satin) وەک تیراژێکی زۆر سنووردار بەردەست دەکرێت کە لە400 یەکە لە ئاستی جیهاندا تێپەڕ ناکات⁴، بە چینێکی پارێزەری ڕوونی سەیتن (Satin) بۆ یەکەمجار لەسەر ڤێلار، لەگەڵ تایەی 22 ئینجی (Dark Agate Grey)، و پاکێجی دەرەکی تەواو ڕەش. هەر مۆدێلێک دەستەواژەی “1 of 400” لەخۆدەگرێت وەک جەختکردنەوەیەک لەسەر کەم وێنەییەکەی.

ڕەنج ڕۆڤەر ڤێلار تیراژی بەلگراڤیا بە سیستەمی هایبردی بارگاویکراو بەردەستە، بە مەودایەکی کارەبایی کە دەگاتە 37 میل¹.

ڕەنج ڕۆڤەر سپۆرت تیراژی باتێرسی (Range Rover Sport Battersea Edition)

گەڕەکی باتێرسی تێکەڵەیەکە لە نێوان مۆرکی مێژوویی و جوانی سەردەمیانە، کە تێیدا باڵەخانە پیشەسازییەکان بە شێوازی ئارت دیکۆ (Art Deco) گۆڕدراون بۆ شوێنی کلتووری هاوچەرخ. ئەم تیراژەش ڕەنگدانەوەی ڕۆحیەتی نوێبوونەوەیە کە ئەم گەڕەکەی پێ جیادەکرێتەوە.

ڕەنج ڕۆڤەر سپۆرت تیراژی باتێرسی پارێزگاری لە ئاستی کاراییە بەهێزە ناسراوەکەی دەکات، لەگەڵ دیزاینی بوێر کە بنمیچێک بە ڕەنگی ڕەشی جیاواز و پاکێجی دەرەکی تەواو ڕەش لەخۆدەگرێت، سەرباری تایەی داڕێژراوی ڕەش بە قەبارەی 22 ئینج.

لە ناوەوە، وردەکارییەکانی “Battersea Edition” لەسەر کۆنسۆڵی ناوەڕاست و پلاتفۆرمی دەرگاکان هەڵکەندراون، لەگەڵ دروومانێکی جیاواز کە سروشتی داینامیکی کابینەکە بەهێزتر دەکات.

ئەم تیراژە بە بژاردەی سیستەمی هایبردی بارگاویکراو بەردەستە، بە مەودایەکی کارەبایی کە دەگاتە 73 میل¹، کە سەدا 75ی تێکڕای هاتوچۆی ڕۆژانە تەنها لە دۆخی لێخوڕینی کارەباییدا دادەپۆشێت².

ڕەنج ڕۆڤەر تیراژی وێستمینستەر (Range Rover Westminster Edition)

گەڕەکی وێستمینستەر ناوەندی سەرکردایەتی و میراتی بەریتانیایە، و چەندین شوێنەواری گرنگ لەخۆدەگرێت وەک کاتژمێری بیگ بێن و وێستمینستەر ئەبی (Westminster Abbey) و کۆشکی باکینگهام. ئەم تیراژەش بەرجەستەی چەمکی سەرکردایەتیکردن و لێخوڕینی باڵا دەکات لای ڕەنج ڕۆڤەر.

دیزاینی دەرەوە بە لۆگۆی (Westminster Edition) و تایەی 22 ئینجی (Diamond Turned) دێت کە هێز و قەشەنگی پێکەوە کۆدەکاتەوە. بەڵام کابینەکە بە ڕووپۆشی داری سروشتیی ڕەشی (Natural Black Birch) جیادەکرێتەوە لەگەڵ ڕازاندنەوەیەکی ورد کە ئیلهامیان لە ژمارە 10ی شەقامی داونینگ (10 Downing Street) وەرگرتووە.

ئەم تیراژە بە تایبەتمەندییەکی بەرزەوە دێت کە پێکهاتووە لە بۆیەی کانزایی (میتالیک)ی شاهانەیی ستاندارد، سیستەمی دەنگی سێ ڕەهەندی مێریدیان (Meridian)⁶، و سەقفی پانۆرامای خلیسک.

ڕەنج ڕۆڤەر تیراژی وێستمینستەر بە سیستەمی هایبردی بارگاویکراو بەردەستە، بە مەودایەکی کارەبایی کە دەگاتە 72 میل¹، کە سەدا 75ی تێکڕای هاتووچۆی ڕۆژانە تەنها لە دۆخی لێخوڕینی کارەباییدا دادەپۆشێت².

هانا کەستانس، بەڕێوەبەری باڵای دیزاینی کەلوپەل لە ڕەنج ڕۆڤەر، وتی:
“ئەم زنجیرە تیراژە نوێیە، گوزارشتێکی سەردەمیانەیە لەو پەیوەندییە دێرینەی لە نێوان لەندەن و ڕەنج ڕۆڤەردا هەیە.

هەر گەڕەکێک کە ئیلهاممان لێ وەرگرتووە، وەک سەرچاوەیەکی زیندوو وابووە، چی بەهۆی ڕەسەنایەتییە بەریتانییەکەی، یان تەلارسازییە سەردەمیانەکەی.

لەرێگەی کارەکانمانەوە لە دیزاینی کەلوپەلدا، هەوڵمان داوە ڕۆحیەتی ئەم ناوچە کلتوورییە گرنگانە لە وردەکارییە نایابەکانی هەر تیراژێکدا کۆبکەینەوە.”

بۆ زانیاریی زیاتر: https://www.rangerover.com/en-xi/explore/range-rover-chapters/london-editions.html