أربيل 27 حزيران 2022

خاتوو جونکۆ نەکاجی، سکرتێری دووەمی گشتی و ڕۆژنامەوانی و ڕۆشنبیری لە باڵیۆزخانەی ژاپۆن، بە یاوەری شاندێکی کونسوڵخانەی ژاپۆن لە هەولێر، سەردانی پارکی ساکورایان کرد، کە لەلایەن سەرۆکی گروپی کۆمپانیاکانی سەردار پێشوازی لێکرا، بەڕێز سەردار ئەلبیبانی، و کۆمەڵێک لە بەڕێوەبەر و کارمەندانی کۆمپانیاکە

لە سەرەتادا بەڕێز سەردار ئەلبیبانی بەخێرهاتنی میوانی بەڕێزی کرد، باسی گرینگی ئەم سەردانەی کرد، شانازیی خۆی بە هاوبەشی و پەیوەندییە جیاوازەکانی لەگەڵ ژاپۆن دەربڕی بۆ ئاییندەی نەوەکانی داهاتوو

پاشان تایبەتمەندییەکانی پارکی ساکورای ڕوونکردەوە و باسی پابەندبوونی کۆمپانیاکەی کرد بۆ گرینگیدان بە ژینگە و هەوڵەکانیان بۆ بەدەستهێنانی ژینگەیەکی تەندروست و کەمکردنەوەی دەرهاوێشتە کاربۆنیەکان. هەروەها سەردار گروپ هەوڵدەدات سەنتەرەکانی لەگەڵ پێوەرە نێودەوڵەتییەکان بگونجێت بۆ بەرپاکردنی ئامانجەکانی گەشەپێدانی بەردەوام و دابینکردنی داهاتوویەکی باشتر بۆ منداڵانی عێراق.

پاشان تایبەتمەندییەکانی پارکی ساکورای ڕوونکردەوە کە ڕووبەرەکەی زیاتر لە 12 هەزار مەتر چوارگۆشەیە و کۆمەڵێک دار و گوڵ جۆراوجۆر و چەندەها سەرچاوەی ئاوی لەخۆدەگرێت کە ژینگەیەکی هاوسەنگ دابین دەکەن بۆ گەشەکردنی درەختەکان، زیاتر لە 200 داری ساکورا تێیدا چێنراون و ڕوونی کردەوە کە زیاتر لە 1200 داری ساکورا لە سەرتاسەری عێراقدا دابەشکراوە بۆ ئەوەی هەمووان چێژ لەم درەختە ناوازەیە وەربگرن